Тодбэхийн сараачил

Би хөлчүүрхэн сууна. Сархад үүнд буруугүй

no_email@coo.mn (mbazaraa) — Sun, 24 Apr 2011 21:38:00 +0800

Би хөлчүүрхэн сууна. Сархад үүнд буруугүй
Битүүхэн шаналсан сэтгэл л бодол ухааныг мансууруулна
Бичиж чадахгүй гэж бодовч шүлэг урсах мөчид
Битгий над шиг шанал гэж бусдад хэлмээр бодогдоно

Ухаан самуураад байна. Гэхдээ би хар тамхичин биш
Ухаарлын мананд төөрөөд зам хайсан бадарчин мэт
Уясал хайранд умбаж, жаргалын амтанд ташуурсандаа
Учирсаны дараа хагацах тохиолыг мартсандаа л мансуурсан байна.

Цаг цагаар дассан сэтгэлийн үнэн гашууныг
Цагаан өвлийн цасан дээр мөр үлдээн сийлсэндээ
Цалгин сайхан байсан хайрын мананд төөрсөндөө
Цадаж хандаггүй сэтгэл шунаж шаналж хөлчүүрхээд байна

Би хөлчүүрхэн сууна. Гэхдээ архинд бус....
Билгийн нүдээр харах авъяас дутсан заяандаа
Бичигдээгүй хуулийн үнэнд хөл алдан бүдэрсэндээ
Битүүхэн шаналсан сэтгэлдээ хөлчүүрх...

[дэлгэрэнгүй]

Хайр минь хөрөөгүй ч итгэл минь алдраад байх юм /Санаашрал шүлэглэл/

no_email@coo.mn (mbazaraa) — Mon, 10 Jan 2011 00:12:00 +0800

Үүр цайх дөхөн одод ичэнгүйрэн нуугдаж нартаас нүүр буруулна
Үйлээ дагсан шаналал л надаас үл холдож сэтгэлийг үл амраана... Тайтгарахсан даа
Үзээд өнгөрүүлсэн амьдралын гэрэлтэй сүүдэртэй дурсамжууд хөвөрч
Үеийнхнээсээ түрүүлж бууралтсан тэргүүнийг минь өвтгөнө... Яамаар ч юм бэ дээ...

Хар дарсан зүүд мэт гунигт явдал болоогүй ч нэг л түгшүүртэй
Хайрлаж яваад хаягдсан сэтгэл өөрөө шаналгаатайнх юм болов уу... мэдэхгүй юм даа...
Хагацаж одсон тэр цаг харанхуйг надад авчирсан мэт байх нь
Хал үзэж хатуужсан эгэл төрхийг минь сүүдэртүүлж дээ хөө... Жам л юм байх даа

Инээмсэглэх мэт харагдавч сэтгэлийн гүнд бухимдал нуугдаж
Ирмүүн зоригтой мэт байвч итгэл алдран зүрх эмзэглээд л
Ихийг үзсэн насны л жам юм уу бүү мэд... Сэтгэл эзгүйрнэ
Идэр залуугийн ааль араншин намайг орхин одож дээ.. яах ч билээ...

Үүр шөнөөр нойр хулжиж хөнжилд жавар хургаад байх мэт санагдана
Үнэнч хайрын үгс цөөрөө юу даа... чамлалтай мэт бод...

[дэлгэрэнгүй]

Шөнө

no_email@coo.mn (mbazaraa) — Fri, 10 Dec 2010 20:46:00 +0800

Хэрэгт дурлах саран нуурын мандалыг сөхөж
Хээгүй гүдэсхэн эр бүсгүйн хөнжилд шургана
Хээрийн цэцэг мэт тансагхан үнэрт мансууран жаргаж
Хээнцэр ганган бүсгүй тачаалын мананд умбана.

Урсгал зөөлөн ус мэт хайрын булаг урсаж
Уяхан бүсгүйн энгэрт дурлалын дарс дуслахуйд
Учралт хонгор амрагууд дуу алдан цэнгэж
Уртын урт шөнийг уясал хайраар мялаана.undefined

Болзоонд яарсан бүсгүй

no_email@coo.mn (mbazaraa) — Fri, 26 Nov 2010 17:19:00 +0800

Болор тунамал толины өмнө эргэлдээд
Боривоо шүргэх гэзэг үсээрээ наадан
Борхон зүрхэндээ хайрын гал өрдөнхөн
Ботгон нүдэнд нь хайрын оч харавдаг
Сайхан бүсгүй гоёлын даашинз өмсөөд
Сарнайн үнэртэй сүрчиг усаар шүршэнхэн
Саатан хүлээх болзоот залуугаа бодонхон
Санаа алдан сэтгэл яаран тэмүүлнэм

Бодлын харгуйд бүдэчсэн тас харанхуй шөнө

no_email@coo.mn (mbazaraa) — Fri, 26 Nov 2010 13:10:00 +0800

Бодлын харгуйд бүдэчсэн тас харанхуй шөнөөр
Бодлоггүй үгтэй чиний тас ширэвсэн харцанд
Борхон зүрх шаналаад бие жихүүцэн дагжиж
Богтлогдсон мэт байсан хайр өөрөө сөхөрнө

Гунигтай харцанд автсан төрхөө би нуухгүй
Гутарч шаналсан байдлаасаа би мөддөө салахгүй
Гунхаж гялалзсан чиний араас харж хоцрохдоо
Гундаж шарласан хайрын дурсамж хуудсыг л сөхнө

Давчуу сэтгэлийн үзүүрт гэрэл гэгээ ч алга
Даанч томоогүй чамд гомдовч өширхөх бодол үгүй
Давхраатай алаг нүдийг чинь санан санан суугаа
Даан ч урт санагдах бодлын харгуйд бүдэчсэн тас харанхуй шөнө

" type=""text/javascript"">undefined

Ахиад ч дурлана. Хайрлана.. Дурлалаас би зугтаахгүй....

no_email@coo.mn (mbazaraa) — Thu, 18 Nov 2010 14:53:00 +0800

Би чамд хайраа нь илчилсээн. Чи чимээгүйхэн...
Бие сэтгэлээрээ чамруу л тэмүүлсэн... Чи анзаараагүй
Бидэрч гундсан сэтгэл зүрх минь шанална.. Чи тоогоогүй
Бичиж байгаа шүлэгтээ гунигаа би тайлсан. Чи харин уншсан...

Амьдрал гэдэг амттай ч, шорвогч байх юм... Би мэдрээгүй
Алаг нүдэндээ хайрын шиврээ дуслуулсаан. Би ичихгүй
Аз үзэж бус амьдралаа хайрлаж явнаа ... Би шантрахгүй
Ахиад ч дурлана. Хайрлана.. Дурлалаас би зугтаахгүй....

Зунтайгаа хамт намайг орхих гэмгүй л нэгэн хайр

no_email@coo.mn (mbazaraa) — Wed, 17 Nov 2010 16:34:00 +0800

Тэргэл сартай шөнийн болзоонд сэтгэл яарч

Тэнгэрлэг хайрын нулимсан шиврээнд хацар жихүүцээд

Тэвэрч чадахгүй ч сэтгэлдээ хайрласан хүнтэйгээ зогсохдоо

Тэрхэн мөчид амар амгаланг би мэдэрдэг

Зулзаган хус саадыг үл ажран тэнгэрлүү тэмүүлэнхэн ургадаг шиг

Зуурдын ч гэлээ тэр л дурлал нэг л их хүчтэй

Зурсан зураг төөрөг тавилангийн учрал ч юм бол уу бүү мэд

Зунтайгаа хамт намайг орхих гэмгүй л нэгэн хайр...

[дэлгэрэнгүй]

Бүрхэг харанхуйг үл ажран чамруу тэмүүлдэг

no_email@coo.mn (mbazaraa) — Sat, 13 Nov 2010 22:22:00 +0800

Нар шагайх цонхны өмнө бодол болон сууна би
Нартын амьдралаа цэгнээд дурсамжын хуудсуудыг сөхнө би
Найзлаж, амраглаж, хайрлаж явсан цаг мөчүүдийг сийлсэн
Нандин дурсамж бүхий тэмдэглэлийн хуудсыг сөхөн байна би

Янагын бороо шивэрсэн намуухан үдшийг дурсана би
Ялгуухан инээмсэглэл тодорсон бүсгүй төрхийг үгүйлнэ би
Яргуй дэлбээ мэm эмзэгхэн уруулын чинь амтыг санана би
Ярьж бус янаглаж үдсэн жаргалын диваажинг дурсана би

Бүсгүй хонгор биеийг чинь тэврэн зүүрмэглэдэгээ үгүйлнэ би
Бүлээн амьсгааг чинь мэдрээд жаргалд автдагаа санагалзана би
Бүрхэг харанхуйг үл ажран чамруу тэмүүлдэг байхдаа л
Бүхий хорвоог умартан хайрыг мэдэрдэгтээ итгэнэм би

Бүхий л биеээр чинь тачаалын амт болон шингэмээр байна

no_email@coo.mn (mbazaraa) — Fri, 12 Nov 2010 13:26:00 +0800

Бүсгүй чамайг би харцаараа нүцэглээд

Бүлээн уруулыг чинь шимэн шимэн озмоор санагдана

Бүрий үдшийн янаг халуун дурлалын айзамд

Бүхий л биеээр чинь тачаалын амт болон шингэмээр байна

Сарны гэрэлд нүцгэн гоод чинь автаад

Сайхан талимаанд чинь сэтгэл алдан уярмаар байна

Санчиг үсээр чинь илбэн байж наадахдаа

Сайхан шүлгээр бүсгүй чамайг мялаамаар л байна...

Халууцаад сөхчихсөн хөнжлийг чнь хуу татаад

Халуухан биеийг чинь чангаас чанга тэвэрмээр л байна

Хацар чинь улайж, бие чинь халуу шатахын цагт

[дэлгэрэнгүй]

Хатаж амжаагүй нулимсан дуслаар урсах үдэлтийн аяз

no_email@coo.mn (mbazaraa) — Thu, 11 Nov 2010 18:42:00 +0800

Ширээн дээр задлаад тавьчихсан сархад өмнө минь байх юм
Ширхэг ширхэгээр нүдлэн урсах нулимсан дуслаар түүнийг даруулах юм..
Шивнэн шивнэн сэтгэлээ тайтгаруулах мөч амьдралд байх юм
Шийдмэг бусаасаа болж өөрийгөө шаналгах мөч тохиох юм...

Хундаганд хийсэн сархадын үнэр хамар сэтэлчих гээд л
Хуруундаа хавчуулсан тамхины утаа намайг бүчнэ
Хуурмагтаа бус түүний л төлөө гэсэн сэтгэлийн үзүүрт
Худал төрхөөр түүнийгээ гомдоох хогийн амьдрал таарах юм

Тиймээ... Сэтгэлийн үзүүрт эргэлдэх нэгэн бодол
Тэвчээр чинь хүрэх үү гээд өөрийнхөө амыг асуух мөчүүд
[дэлгэрэнгүй]